អគារសម្ភពនិងរោគស្ត្រី១ខ្នងនៅស្រុកភ្នំក្រវាញត្រូវបានសម្ពោធដាក់ឲ្យប្រើប្រាស់


អគារសម្ភព និង រោគស្រ្តីមួយខ្នង រួមជាមួយសម្ភារៈបរិក្ខា និង គ្រឿងសង្ហារឹម សរុបថវិកាអស់ចំនួន ២២ម៉ឺនដុល្លារអាមេរិក នៅក្នុងបរិវេណមន្ទីរពេទ្យបង្អែកក្រវាញ ដែលមានទីតាំងស្ថិតនៅក្នុងឃុំលាច ស្រុកភ្នំក្រវាញ ត្រូវបានឯកឧត្តមសាស្រ្តាចារ្យ អេង ហួត រដ្ឋលេខាធិការក្រសួងសុខាភិបាល និង ឯកឧត្តម ម៉ៅ ធនិន អភិបាលនៃគណៈអភិបាលខេត្តពោធិ៍សាត់ សម្ពោធដាក់ឲ្យប្រើប្រាស់ជាផ្លូវការ នាព្រឹកថ្ងៃទី ២៤ ខែ ធ្នូ ឆ្នាំ ២០១៥ ។
បន្ទាប់ពីកាត់ខ្សែបូ សម្ពោធអគារសម្ភព និង រោគស្ត្រីនោះរួចមក ឯកឧត្តមគណៈអធិបតី បានអញ្ជើញសំណេះសំណាល និង នាំយកអំណោយមួយចំនួន ទៅចែកជូនស្ត្រីសម្រាល និង ត្រៀមសម្រាលកូន ១៥នាក់ ក្នុងម្នាក់ៗ ទទួលបានឃីត ១កញ្ចប់ ថវិកា ២ម៉ឺនរៀល និង អ្នកជំងឺកំពុងសម្រាកព្យាបាល មានចំនួន ២៤នាក់ ក្នុងម្នាក់ៗទទួលបានថវិកា ចំនួន ២ម៉ឺនរៀល និង បានចូលរួមដាំកូនឈើទុកជាអនុស្សាវរីយ៍នាពេលនោះផងដែរ ៕

12391445_1674137586209354_8157843186309359410_n 1150236_1674137592876020_3127932066872863291_n 1517821_1674137752876004_7654644379021733461_n 1931511_1674137682876011_5914384571361762783_n 10152014_1674137489542697_520357465768398211_n 10176169_1674137589542687_1818755732399927033_n 10414594_1674137672876012_3733994597882436260_n 12376404_1674137689542677_6846051258316954350_n 12376531_1674137479542698_1506638113516995340_n