ឯកឧត្តមបណ្ឌិត ម៉ៅ ធនិន អភិបាលនៃគណៈអភិបាលខេត្តពោធិ៍សាត់អញ្ជើញចុះទៅភូមិវាលវង់ ឃុំរកាត ស្រុកភ្នំក្រវាញ


ប្រជាពលរដ្ឋដែលរងផលប៉ះពាល់ទំនប់ស្ទាក់ទឹកទី៣ និងទី៥ ចំនួន ១៧៤គ្រួសារ លើ១៨៥គ្រួសារ គប្បីប្រើប្រាស់ដីអាស្រ័យនេះឲ្យអស់លទ្ធភាព ហាមលក់ដូរ ។ នេះជាការលើកឡើង របស់ឯកឧត្តម ម៉ៅ ធនិន អភិបាលនៃគណៈអភិបាលខេត្តពោធិ៍សាត់ ក្នុងពិធីបែងចែក និង ចាប់ឆ្នោតទទួលយកដីអាស្រ័យផល (ដីកសិកម្ម) ជូនប្រជាពលរដ្ឋ ចំនួន ១៧៤គ្រួសារ លើ១៨៥គ្រួសារ ដែលរងផលប៉ះពាល់ទំនប់ស្ទាក់ទឹកទី៣ និង ទី៥ ស្ថិតក្នុងភូមិវាលវង់ ឃុំរកាត ស្រុកភ្នំក្រវាញ នៅចំណុចខ្សាំង នាព្រឹកថ្ងៃទី ២៦ ខែ ធ្នូ ឆ្នាំ ២០១៥ ដែលរៀបចំដោយអាជ្ញាធរខេត្ត សហការជាមួយអន្តរក្រសួង ។
គួរបញ្ជាក់ផងដែរថា ៖ ប្រជាពលរដ្ឋ ដែលមកតាំងទីលំនៅ នៅចំណុចខ្សាំង ស្ថិតក្នុងភូមិវាលវង់ ឃុំរកាត ស្រុកភ្នំក្រវាញ ចំនួន១៧៤គ្រួសារ លើ១៨៥គ្រួសារ ដែលរងផលប៉ះពាល់ទំនប់ស្ទាក់ទឹកទី៣ និង ទី៥ ត្រូវបានអាជ្ញាធរខេត្ត សហការជាមួយអន្តរក្រសួង ធ្វើការបែងចែក និង ចាប់ឆ្នោតទទួលយកដីកសិកម្ម សរុបចំនួន ៥២២ហិកតា បន្ទាប់ពីទទួលបានដីសង់លំនៅដ្ឋានរួចមកហើយ ។
នៅក្នុងឱកាសនោះ ឯកឧត្តម ក៏បានបន្តចុះពិនិត្យមើលការស្ថាបនា ដំបូលតូបលក់ដូរផ្សារថ្មីប៉ែកខាងមុខ ធ្វើយ៉ាងណាពន្លឿនការសាងសង់ ឲ្យមានសោភណ្ឌភាព មានផ្លូវចេញចូលបានស្រួល លក់ដូរមានសណ្តាប់ធ្នាប់ និង ទៅតាមស្តង់ដារ ស្របតាមសំណូមពររបស់បងប្អូនអាជីវករក្នុងផ្សារពោធិ៍សាត់ ៕

1917060_1674747832814996_3960510068612979851_n 1929578_1674747372815042_1867412180028540017_n 1931024_1674747669481679_333247072210401020_n 1931369_1674747666148346_3958673997424033083_n 10014647_1674747512815028_3412367370814957710_n 12391811_1674747359481710_702104279372150700_n 1653913_1674747516148361_6970379698464381666_n 1914623_1674747862814993_2461533698981806401_n 1916864_1674747486148364_4106605444771543231_n 1917014_1674747349481711_7897411691739587510_n