ឯកឧត្តម ម៉ៅ ធនិន អភិបាលនៃគណៈអភិបាលខេត្តពោធិ៍សាត់ គ្រោងនឹងរៀបចំបណ្តាញភ្លើងអគ្គិសនីពន្លឺព្រះអាទិត្យ ដើម្បីដោះស្រាយរាល់សំណូមពរ និង បញ្ហាប្រឈមរបស់ប្រជាពលរដ្ឋ ជាពិសេសអាជីវករក្នុងផ្សារថ្មីពោធិ៍សាត់ ។
ការថ្លែងបែបនេះ ក្នុងឱកាសឯកឧត្តម រួមនឹងសមាជិកក្រុមប្រឹក្សាខេត្ត អភិបាលរងនៃគណៈអភិបាលខេត្ត អញ្ជើញចុះជួបសំណេះសំណាល សួរសុខទុក្ខ និង ដោះស្រាយរាល់ក្តីកង្វល់របស់បងប្អូនប្រជាពលរដ្ឋ ជាពិសេសបងប្អូនអាជីវករក្នុងផ្សារពោធិ៍សាត់ នាព្រឹកថ្ងៃទី ១០ ខែ កុម្ភៈ ឆ្នាំ ២០១៦ ។
