សមាជិកាសមាគមនារីកម្ពុជាដើម្បីសន្តិភាព និង អភិវឌ្ឍន៍ខេត្តពោធិ៍សាត់ ចំនួន ៧៥នាក់ ដឹកនាំដោយលោកជំទាវ ឯម ប៉ុណ្ណា តំណាងរាស្ត្រមណ្ឌលពោធិ៍សាត់ និង ជាសមាជិកាប្រតិបត្តិ,លោកជំទាវ ហ៊ុន ចាន់ធី ម៉ៅ ធនិន
ប្រធានកិត្តិយស និង លោកជំទាវ ឡុង ម៉ារី ខូយ សុខា អនុប្រធានកិតិ្តយស បានចុះទៅជួបសំណេះសំណាលជាមួយសិស្សសាលាមត្តេយ្យសិក្សា ដោយបាននាំយកអំណោយ និងថវិកាចំនួន ៤ លានរៀល ជួយកសាងមត្តេយ្យ
សហគមន៍ ភូមិផ្សារអណ្តែត ឃុំអូរតាប៉ោង ស្រុកបាកាន នាព្រឹកថ្ងៃទី ១២ ខែ សីហា ឆ្នាំ ២០១៥។ បន្ទប់មកទៀតលោកជំទាវ ថ្នាក់ដឹកនាំ បានអញ្ជើញចុះទៅសំណេះសំណាលជាមួយបងប្អូនប្រជាពលរដ្ឋដែលមានមុខរបរផលិត
អំបុកជាប្រចាំចំនួន៣ភូមិ ក្នុងចំណោម១៨ភូមិ របស់ឃំុអូរតាប៉ោង ស្រុកបាកាន ខេត្តពោធិ៍សាត់ គឺភូមិចំការខ្លុយ,ភូមិចំការអូរ,និងភូមិបោះរាំង ដោយក្នុង១ថ្ងៃផលិតអំបុកជាមធ្យមបាន១តោនសម្រាប់លក់លើទីផ្សារនៅក្នុងខេត្ត និង ក្រៅខេត្ត។
