ឯកឧត្តម ម៉ៅ ធនិន អភិបាលនៃគណអភិបាលខេត្តពោធិ៍សាត់ចុះចែកស្រូវពូជដល់កសិករចំនួន២០០គ្រួសារក្នុងស្រុកកណ្តៀង


ស្រូវពូជផ្ការំដួល (ស្រូវក្រអូប) ចំនួន ៨តោន ដែលរៀបចំដោយ មន្ទីរកសិកម្មខេត្ត ត្រូវបានឯកឧត្តម ម៉ៅ ធនិន អភិបាលនៃគណៈអភិបាលខេត្ត ចុះផ្តល់ជូនដល់ប្រជាកសិករ ចំនួន ២០០គ្រួសារ មកពីឃុំស្យា ៣ភូមិ និង ឃុំស្រែស្តុក ៦ភូមិ ក្នុងស្រុកកណ្តៀង នៅលើខ្នងប្រឡាយ ស្ថិតក្នុងភូមិសែនជ័យ ឃុំស្រែកស្តុក ស្រុកកណ្តៀង ខេត្តពោធិ៍សាត់ សម្រាប់ចាប់ផ្តើមបើកធ្វើស្រូវដើមរដូវវស្សា ។

ពិធីនេះត្រូវបានប្រារព្ធធ្វើឡើង នាព្រឹកថ្ងៃទី ០២ ខែ មិថុនា ឆ្នាំ ២០១៦ ដោយមានការចូលរួមពី លោកជំទាវ ឯម ប៉ុណ្ណា សមាជិការដ្ឋសភាមណ្ឌលពោធិ៍សាត់ លោកជំទាវ ហ៊ុន ចាន់ធី សមាជិកាកិត្តិយស និង សមាជិក សមាជិកា សាខាសមាគមនារីកម្ពុជា ដើម្បីសន្តិភាព និង អភិវឌ្ឍន៍ខេត្ត ឯកឧត្តម លោកជំទាវ អភិបាលរងនៃគណៈអភិបាលខេត្ត ព្រមទាំងថ្នាក់ដឹកនាំមន្ទីរអង្គភាពនានាជុំវិញខេត្តជាច្រើននាក់ផងដែរ ។

ប្រជាកសិករ ដែលមកទទួលយកស្រូវពូជផ្ការំដួល ចំនួន ២០០គ្រួសារ ៖ មកពីឃុំស្យា ៣ភូមិ ស្មើនឹង ៤០គ្រួសារ និង មកពីឃុំស្រែស្តុក ៦ភូមិ ស្មើនឹង ១៦០គ្រួសារ ក្នុងមួយគ្រួសារទទួលបាន ស្រូវ ៤០គីឡូក្រាម ដោយអមនូវសារុងម្នាក់មួយ ជាអំណោយ របស់ឯកឧត្តម ម៉ៅ ធនិន និង លោកជំទាវ ហ៊ុន ចាន់ធី ។

ក្រោយពីចែកជូននោះរួចមក ឯកឧត្តម ម៉ៅ ធនិន អភិបាលនៃគណៈអភិបាលខេត្ត បានដឹកនាំមន្ទីរជំនាញ ចុះដោះស្រាយបញ្ចប់ទំនាស់ដីធ្លីដ៏រ៉ាំរ៉ៃប្រកបដោយភាពជោគជ័យជាក់លាក់ រវាងគ្រួសារលោកយាយ សំ វ៉ាន ជាមួយប្រជាពលរដ្ឋ ១៨គ្រួសារ លើផ្ទៃដី ២២ហិកតា នៅចំណុចកែវមុន្នី ស្ថិតក្នុងភូមិព្រែកតាគង់ ឃុំអន្លង់វិល ស្រុកកណ្តៀង ខេត្តពោធិ៍សាត់ ៕

13346862_1743539049269207_3605834013342339687_n 13307374_1743538402602605_8818929557981320401_n 13307383_1743538835935895_85190217190258755_n 13310335_1743538822602563_7739665296966981240_n 13312848_1743539775935801_9159509014889627057_n 13315320_1743538229269289_625854406774389734_n 13315812_1743538982602547_3494779063319957870_n 13327607_1743539169269195_4835461596208253219_n 13331014_1743539115935867_668251370276118538_n 13331024_1743538579269254_5919244576218710908_n 13331027_1743539229269189_491738660051947227_n 13331150_1743538282602617_326214120876631424_n 13332975_1743539625935816_4051545964475983219_n 13335598_1743538642602581_4549772758956885779_n 13335623_1743539152602530_8382601299790711684_n 13335794_1743538372602608_6985119294284886576_n 13335849_1743539305935848_1547819682743416396_n 13335894_1743539912602454_920280161823669569_n 13336106_1743539015935877_4429856437843751583_n 13339564_1743539365935842_6989437393493937033_n 13342928_1743538715935907_3430186535205265037_n 13343106_1743538439269268_8829764850786391087_n 13346600_1743539819269130_628891739389112752_n 13346751_1743539715935807_315021258868710675_n