ឯកឧត្តម កែវ រតនៈ ប្រតិភូរាជរដ្ឋាភិបាលទទួលបន្ទុកអគ្គនាយកអគ្គីសនីកម្ពុជា គឺជាបញ្ញវន្តវ័យក្មេងមួយរូបដែលត្រូវបានសម្ដេចតេជោ ហ៊ុន សែន ប្រមុខរាជរដ្ឋាភិបាលទុកចិត្ត ប្រគល់ភារកិច្ចអោយកាន់កិច្ចការអគ្គីសនីដ៏មានសារៈសំខាន់ ។ ក្នុងតួនាទីជាអគ្គនាយកអគ្គីសនីឯកឧត្តម ជាមន្ត្រីដែលមឺុងម៉ាត់ លើការងារ និង មានភាពរស់រាយរាក់ទាក់ និង សាមញ្ញបំផុត មន្ត្រីថ្នាក់ក្រោមគោរពស្រលាញ់លោកគ្រប់ៗគ្នា..!
ក្រៅពីការងារជំនាញក្នុងវិស័យអគ្គីសនី ឯកឧត្តម កែវ រតនៈ គឺជាមន្ត្រីបក្សដ៏សកម្ម និង មានប្រជាប្រិយភាពបំផុតជាមួយប្រជាពលរដ្ឋមូលដ្ឋាននៅខេត្តពោធិសាត់ ។ លទ្ធផលបោះឆ្នោតឆ្នាំ ២០១៣ កន្លងមកជាសក្ខីភាពបញ្ជាក់ច្បាស់ថា ខេត្តពោធិសាត់ដែលមាន ៤ អាសនៈ ត្រូវបានគណបក្សប្រជាជនកម្ពុជា ទទួលបានរហូត ៣ អាសនៈ ។ ជារៀងរាល់ថ្ងៃសំរាកចុងសប្ដាហ៍ឯកឧត្តម មិនសូវមានពេលសម្រាកទេ គឺច្រើនតែមានវត្តមាននៅមូលដ្ឋានស្រុកក្រគរ ខេត្តពោធិសាត់ជានិច្ច ។
