ឯកឧត្តម ម៉ៅ ធនិន អភិបាលនៃគណៈអភិបាលខេត្តពោធិ៍សាត់ និងជាប្រធានកិត្តិយសសាខា អមដំណើរដោយ ឯកឧត្តម ខូយ រីដា អភិបាលរងនៃគណៈអភិបាលខេត្ត និងជាប្រធានគណៈកម្មាធិសាខា និងលោក វ៉ាន់ ហ៊ាង នាយកប្រតិបត្តិសាខា ព្រមទាំងអស់លោក លោកស្រី ជាសមាជិក សមាជិកាសាខា នាព្រឹកថ្ងៃទី១២ ខែសីហា ឆ្នាំ២០១៦នេះ បាននាំយកអំណោយមនុស្សធម៌ របស់សាខាកាកបាទក្រហមខេត្ត យកទៅប្រគល់ជូនពលរដ្ឋចាស់ជរាគ្មានទីពឹង និងខ្វះខាតស្បៀង ៤៧គ្រួសារ មកពី៩ភូមិ ក្នុងឃុំស្វាយដូនកែវ នៅបរិវេណមណ្ឌលសុខភាពស្វាយដូនកែវ ស្ថិតក្នុងភូមិស្វាយដូនកែវ ឃុំស្វាយដូនកែវ ស្រុកបាកាន ខេត្តពោធិ៍សាត់។
សូមបញ្ជាក់ថា អំណោយមនុស្សធម៌ របស់សាខាកាកបាទក្រហមកម្ពុជាខេត្ត ចែកជូនប្រជាពលរដ្ឋ និងចាស់ជរាទាំង ៤៧គ្រួសារ ក្នុងមួយគ្រួសារទទួលបានអង្ករ ២0គីឡូក្រាម ទឹកត្រី ៦ដប ទឹកស៊ីអ៊ីវ ៦ដប សាប៊ូ ១កញ្ចប់ និងថវិកា២ម៉ឺនរៀល។ ដោយឡែកមេភូមិទាំង៩ ក្នុងមួយភូមិទទួលបានថវិកា ២ម៉ឺនរៀល លោកគ្រូអ្នកគ្រូពេទ្យ និងអ្នកបោសសំអាត ៦នាក់ ក្នុងម្នាក់ៗទទួលបាន ថវិកា២ម៉ឺនរៀល និងស្ត្រីដែលទើបតែឆ្លងទន្លេក្នុងមណ្ឌលសុខភាព ទទួលបានថវិកា ៣០ម៉ឺនរៀលផងដែរ៕
