ព្រឹកថ្ងៃទី ១៦ ខែ មករា ឆ្នាំ ២០១៦ ឯកឧត្តម ស៊ុយ សែម យ រដ្ឋមន្ត្រីក្រសួងរ៉ែ និង ថាមពល និងជាប្រធានក្រុមការងារគណបក្សប្រជាជន ថ្នាក់កណ្តាលចុះជួយខេត្តពោធិ៍សាត់បានអញ្ជើញជាអធិបតីដ៏ខ្ពង់ខ្ពស់ក្នុងពិធី បញ្ចុះបឋមសិលា កសាងស្ពានឈើមួយកន្លែងឆ្លងស្ទឹងពោធិសាត់ ភ្ជាប់ឃុំលាច និង ឃុំសំរោង ក្នុងស្រុកភ្នំក្រវាញ ដែលមានបណ្តោយប្រវែង158m និទទឹង4,2m ដោយថវិកាបានមកពីបុណ្យផ្កាសាមគ្គីឃុំទាំង7ក្នុងស្រុកភ្នំក្រវាញ ការជួយឧបត្ថម្ភពីក្រុមការងារចុះជួយស្រុកភ្នំក្រវាញនឹងកម្លាំងសាមគ្គីស្មគ្រចិ្តត្តចូលរួមទាំងកម្លាំងកាយជួយសាងសង់។ ដោយឡែកឯ.ឧ ស៊ុយ សែមបានចូលរួមកសាង ចំនួន 10 លានរៀលផងដែរ។បន្ទាប់ពីចែកអំណោយជូនសិស្ស វិទ្យាល័យហ៊ុនសែន ភ្នំក្រវាញ និងលោកយាយលោកតារួចមក ឯ.ឧបានអញ្ជើញកាត់សីមានិងបញ្ចុះដែកគោលជានិមិត្តរូបនៃការចាប់ផ្តើមសាងសង់។ ស្ពានថ្មីនេះនៅពេលសង់ហើយនៅមុនចូលឆ្នាំខ្មែរ បងប្អូន និងឆ្លងដោយមិនបាច់បង់លុយដូចសព្វថ្ងៃ ដែលមានស្ពានឯកជន ដូចមាននៅក្នុងរូបភាពនេះស្រាប់ ដែលប្រជាជនត្រូវចំណាយរាល់ថ្ងៃ។
បន្ទាប់មកគណៈប្រតិភូបានអញ្ជើញទៅពិនិត្យមើលវគ្គបណ្តុះ
បណ្តាលកាត់ដេរ និង computerដែលក្រុមការងាររៀបចំឡើងនៅស្នាក់ការគណបក្សស្រុក ដើម្បី បណ្តុះបណ្តាលសមាជិក
គណបក្សប្រជាជន ជាយុវជនឲ្យមានបំណិនជីវិត ។
