ទីក្រុងខ្ញុំស្អាត សុខសុវត្ថិភាពល្អ ទេសចរណ៍មានកំណើន
លោក ចាប នាង អភិបាលនៃគណៈអភិបាលក្រុងពោធិ៍សាត់ និងមន្ត្រីក្រោមឱវាទនៃរដ្ឋបាលក្រុង សហការជាមួយមន្ទីរទេសចរណ៍ មន្ទីបរិស្ថាន មន្ទីរអប់រំ យុវជន និងកីឡា យុវជន សសយក សិស្សានុសិស្ស លោកគ្រូអ្នកគ្រូ បានប្រារព្ធពិធីផ្សព្វផ្សាយ និងអបអរសារទរទិវាជាតិទីក្រុងស្អាតលើកទី៤ ឆ្នាំ២០១៦ នាព្រឹកថ្ងៃទី២៦/០២/២០១៦ ។
ដើម្បីបញ្ជ្រាបការយល់ដឹងអំពីការងារបរិស្ថាន ការងារទីក្រុងស្អាត ការសម្អាតអនាម័យ ការវិចខ្ចប់កាកសំណល់រឹង រាវ និងដើម្បីកម្ពុជាស្អាត កម្ពុជាបៃតង កម្ពុជាឆ្ពោះទៅកាន់ទីក្រុងស្អាត គឺផ្តើមចេញពីយើងទាំងអស់គ្នា ។
