ឯកឧត្តម ម៉ៅ ធនិន អភិបាលនៃគណៈអភិបាលខេត្តពោធិ៍សាត់ នាព្រឹកថ្ងៃទី០១ ខែ ធ្នូ ឆ្នាំ២០១៦នេះ បានចុះសម្របសម្រួល និងដោះស្រាយបញ្ចប់ទំនាស់ដីធ្លីដ៏រ៉ាំរ៉ៃ ប្រកបដោយប្រសិទ្ធភាព និងជឿជាក់បំផុតជូនបងប្អូនប្រជាពលរដ្ឋ ដែលជាភាគីទំនាស់ទាំងសងខាង លើផ្ទៃទំហំ២,៦ហិកតា ក្នុងស្រុកបាកាន។
ក្នុងកិច្ចដំណោះស្រាយក្រៅប្រព័ន្ធតុលាការនេះ ត្រូវបានធ្វើឡើងនៅសាលាឃុំតាលោ ស្ថិតក្នុងភូមិតាលោ ឃុំតាលោ ស្រុកបាកាន ខេត្តពោធិ៍សាត់ ដោយមានការអញ្ជើញចូលរួមពីឯកឧត្តម ចេង ឡៃ អភិបាលរងខេត្តទទួលបន្ទុក អាជ្ញាធរស្រុក និងភាគីដែលពាក់ព័ន្ធជាច្រើនរូបទៀត។
