គណៈប្រតិភូគណៈកម្មាធិការរណសិរ្សមាតុភូមិវៀតណាម ខេត្តដុងថាប់ ដឹកនាំដោយ លោក វ៉ មិនហ៊ុង អញ្ជើញជួបសម្តែងការគួរសម ជាមួយក្រុមប្រឹក្សាខេត្ត គណៈអភិបាលខេត្ត និង មន្ទីរជំនាញជុំវិញខេត្ត ក្នុងខណៈចុះមកពិនិត្យ និង ព្យាបាលជំងឺ ជូនប្រជាពលរដ្ឋខេត្តពោធិ៍សាត់ ដោយឥតគិតថ្លៃ នាល្ងាចថ្ងៃទី ៣០ ខែ តុលា ឆ្នាំ ២០១៥ នៅសាលប្រជុំសាលាខេត្តពោធិ៍សាត់ ។
គួរបញ្ជាក់ផងដែរថា ការពិនិត្យ និង ព្យាបាលជំងឺ ជូនប្រជាពលរដ្ឋខេត្តពោធិ៍សាត់ ដោយឥតគិតថ្លៃ មានរយៈពេល ០៤ថ្ងៃ ចាប់ពីថ្ងៃទី ២៨ ដល់ ថ្ងៃទី ៣១ ខែ តុលា ឆ្នាំ ២០១៥ ដោយចុះទៅតាមបណ្ដាស្រុកមួយចំនួន ក្នុងខេត្តពោធិ៍សាត់ ។ ជាក់ស្តែងក្នុងថ្ងៃនេះក្រុមគ្រូពេទ្យវៀតណាម បាននឹងកំពុងពិនិត្យព្យាបាលអ្នកជំងឺយ៉ាងយកចិត្តទុកដាក់ ប្រមាណជាង ៧៥០នាក់រួចមកហើយ នៅឃុំកំពង់លួង ស្រុកក្រគរ ខេត្តពោធិ៍សាត់ ៕
