សមិទ្ធិផលជាច្រើន ដែលមានក្នុងមជ្ឈមណ្ឌលអ៊ីស្លាមអាល់បាលូន ស្ថិតក្នុងភូមិដង្កៀបក្តាម ឃុំឈើតុំ ស្រុកក្រគរ ខេត្តពោធិ៍សាត់ ត្រូវបានដាក់សម្ពោធឲ្យប្រើប្រាស់ជាផ្លូវការ ក្រោមអធិបតីភាព ឯកឧត្តម ម៉ៅ ធនិន អភិបាលនៃគណៈអភិបាលខេត្តពោធិ៍សាត់ នាព្រឹកថ្ងៃទី ៣១ ខែតុលា ឆ្នាំ ២០១៥ ។
គួរបញ្ជាក់ថា ៖ សមិទ្ធិផលដែលត្រូវដាក់សម្ពោធឲ្យប្រើប្រាស់នាថ្ងៃនេះរួមមាន អគារសិក្សា អគារស្នាក់នៅ ការិយាល័យ វិហារអាហារដ្ឋាន បន្ទប់ទឹក បង្គន់អនាម័យ និង របង ដែលត្រូវចំណាយថវិកា សរុបចំនួន ២១៣.៥៥០ ដុល្លារអាមេរិក ក្រោមគំនិតផ្តួចផ្តើម របស់ឯកឧត្តម សុះ មហាំម៉ាត់ ប្រធានសមាគមប្រភពល្អកម្ពុជា រួមជាមួយសប្បុរសជនមកពីប្រទេសគុយវែត ។ ហើយមជ្ឈមណ្ឌលនេះ សាងសង់ឡើង ក្នុងគោលបំណងប្រមូលកុមារកំព្រា និង កុមារក្រីក្រ មកស្នាក់នៅ និង រៀនសូត្រ ដោយមានការឧបត្ថម្ភអាហារ និង ការព្យាបាលថែរក្សាជាដើម ៕
