សម្ព័ន្ធគ្រូពេទ្យសហភាពសហព័ន្ធយុវជនកម្ពុជា ដឹកនាំដោយ លោកជំទាវ យឹម ឆៃលីន ប្រធានកិត្តិយស បានអញ្ជើញមកពិនិត្យ និង ព្យាបាលជំងឺ ជូនប្រជាពលរដ្ឋ ជិត ១០០០នាក់ មកពីឃុំទាំង០៩ ក្នុងស្រុកកណ្ដៀង ដោយឥតគិតថ្លៃ នាព្រឹកថ្ងៃទី ២៧ ខែ ធ្នូ ឆ្នាំ ២០១៥ នៅក្នុងបរិវេណវិទ្យាល័យ ហ៊ុន សែន កណ្ដៀង ។ ពិធីនេះមានការអញ្ជើញចូលរួមពីសំណាក់ ឯកឧត្តម ខូយ សុខា ប្រធានក្រុមប្រឹក្សាខេត្ត, ឯកឧត្តម ម៉ៅ ធនិន អភិបាលនៃគណៈអភិបាលខេត្ត ក្រុមការងារថ្នាក់ខេត្ត និង ថ្នាក់ដឹកនាំមន្ទីរនានាមួយចំនួនទៀត ។
