ឯកឧត្តម ម៉ៅ ធនិន អភិបាលនៃគណៈអភិបាលខេត្តពោធិ៍សាត់ បានអំពាវនាវឲ្យបងប្អូនប្រជាពលរដ្ឋ ជាពិសេសក្មួយៗយុវជនយុវនារី និង ព្រះសង្ឃដែលមានព្រះជន្មក្មេងព្រះវស្សា ក្នុងខេត្តពោធិ៍សាត់ និមន្ត និង សូមចូលរួមបរិច្ចាកឈាមជួយសង្គ្រោះជីវិតអ្នកជំងឺ ដែលកំពុងត្រូវការឈាមចាំបាច់បំផុត នៅមន្ទីរពេទ្យបង្អែកសំពៅមាស ក្រុងពោធិ៍សាត់ ។
ការអំពាវនាវនេះ ក្នុងឱកាសដែល ឯកឧត្តម រួមជាមួយសមាជិកក្រុមប្រឹក្សាខេត្ត អភិបាលរងខេត្ត អញ្ជើញចុះជួបសំណេះសំណាល និង សួរសុខទុក្ខ បងប្អូនអាជីវករ ក្នុងផ្សារថ្មីពោធិ៍សាត់ នារសៀលថ្ងៃទី ២៧ ខែ កុម្ភៈ ឆ្នាំ ២០១៦ ។
