ឯកឧត្តម ខូយ រីដា អភិបាលរងនៃគណៈអភិបាលខេត្ត តំណាងដ៏ខ្ពង់ខ្ពស់ ឯកឧត្តម ម៉ៅ ធនិន អភិបាលនៃគណៈអភិបាលខេត្តពោធិ៍សាត់ នៅព្រឹកថ្ងៃទី២៥ ខែកក្កដា ឆ្នាំ២០១៦ បានផ្ដល់ពូជស្រូវខាបួន ចំនួន ៧តោន ជូនប្រជាកសិករក្នុងឃុំអូរសណ្តាន់ ចំនួន ៣៥០គ្រួសារ ដែលរៀបចំដោយមន្ទីរកសិកម្មខេត្ត គឺក្នុងមួយគ្រួសារ ទទួលបានស្រូវខាបួន ចំនួន ២០គីឡូក្រាម សម្រាប់ចាប់ផ្ដើមធ្វើស្រូវរដូវវស្សា ឲ្យបានទាន់ពេលវេលា។
ពិធីនេះត្រូវបានធ្វើឡើង នៅបវិវេណវត្តពុទ្ទ្រាម ស្ថិតក្នុងឃុំអូរសណ្តាន់ ស្រុកក្រគរ ខេត្តពោធិ៍សាត់ ដោយមានការចូលរួមពី លោក លោកស្រី តំណាងមន្ទីរអង្គភាពពាក់ព័ន្ធ អាជ្ញាធរមូលដ្ឋាន និងប្រជាពលរដ្ឋជាច្រើននាក់ផងដែរ។
