សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណា ចក្រកម្ពុជា បានអញ្ជើញបន្តដំណើរមកពិនិត្យមើលការដ្ឋានសាងសង់ទំនប់វារីអគ្គិសនីសេសានក្រោម២

នៅរសៀលថ្ងៃដដែលនេះ បន្ទាប់ពីបានជួបសំណេះសំណាលជាមួយបងប្អូនប្រជាពលរដ្ឋដែលបានមកតាំងទីលំនៅថ្មីនៅក្នុងឃុំក្បាលរមាស ស្រុកសេសាន ខេត្តស្ទឹងត្រែងរួចមក សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណា ចក្រកម្ពុជា បានអញ្ជើញបន្តដំណើរមកពិនិត្យមើលការដ្ឋានសាងសង់ទំនប់វារីអគ្គិសនីសេសានក្រោម២ ស្ថិតនៅស្រុកសេសាន ខេត្តស្ទឹងត្រែង ដែលកំពុង សាងសង់យ៉ាងមមារញឹក។ ការសាងសង់សម្រាប់ដំណាក់កាលទី១ អាចនឹងបញ្ចប់នៅ ខែ តុលា ២០១៧ ខាងមុខ ដែលអាចដាក់អោយដំណើរការបានប្រមាណ 50MW ហើយដំណាក់កាលទី២ អាចនឹងបញ្ចប់នៅឆ្នាំ ២០១៨ ដែលមានសមត្ថភាពអាចផលិតថាមពលអគ្គិសនីបាន 400MW។ វារីអគ្គិសនីនេះ សាងសង់ដោយក្រុមហ៊ុនចម្រុះ HYDRO POWER LOWER SESAN 2 CO. Ltd (ដែលមានក្រុមហ៊ុន Royal Group និង ក្រុមហ៊ុនចិន Hydrolancang) ។ រាជរដ្ឋាភិបាលកម្ពុជាបានអនុញ្ញាតឲ្យធ្វើការសិក្សាពីលទ្ធភាពគម្រោងនៅ ឆ្នាំ ២០០៧ និងបានចុះហត្ថលេខាកិច្ចព្រមព្រៀងវិនិយោគសាងសង់ នៅឆ្នាំ ២០១២។